歐霸盃：米迪蘭特硬淨讓主有着諾_東方日報

英超兵諾定咸森林，於歐霸盃16強次回合作客米迪蘭特。森林唔單止首回合輸波，嚟緊仲有「護級6分波」後顧，今仗隨時有所保留，米迪蘭特唔輸即出線，主場受讓必捧讓球主勝（+1）。

（Now 643周五凌晨1時45分直播）文:法達斯維

森林為護級或留力
森林今季內部立立亂，狂人班主馬連拿基斯換帥如換衫，先後怒炒紐奴、普斯迪高路同戴治，域陀佩利拉係佢哋今季第4位主帥，每換一個又要重新適應新戰術，試問點會有好成績呢？森林首回合主場出擊，全場22次攻門都入唔到波，去到末段仲畀米迪蘭特絕殺輸0比1，的確打擊士氣。

雖然只係落後1球，但森林近6仗未贏過，下仗聯賽仲要作客熱刺，依家佢哋落後對手1分，呢場「護級6分波」真係太重要，放棄歐霸盃係可理解。

另邊廂，米迪蘭特近況唔錯，各項賽事近9仗獲5勝3和僅1敗，非常硬淨，單計歐霸盃，呢支丹麥球隊今屆9場錄7勝1和1負，其中有兩次擊敗森林，證明佢哋爭盃決心非常大，而且首回合有1球優勢，返主場唔輸就晉級，目標明確，要頂住有後顧之憂嘅森林冇難度，仲有得受讓咁筍，讓球主勝（+1）咪錯過。